پیسه دالانی سوز و به‌رز

رازۆ ئایری !!! دوه‌مین فیلمی سینه‌مایی هۆرامانی ( چیرۆکی ئاگر ) چند رویوه‌ن لوان سه‌رو په‌رده‌ و سینه‌ماو پاوه‌ی . رازۆ ئایری ( چیرۆکی ئاگر ) هه‌رمانه‌و دوه‌مو هۆنه‌رمه‌ند بهزادی به‌همه‌نی و به‌هۆنه‌رمه ندی ئه‌کته‌ره ‌هۆرامیه‌کاو پاوه‌ی ئه‌گه‌ر چی هه‌لای هالی جه‌عه‌یب و هه‌له‌نیا و به‌لام رازۆ ئایری هه‌نگامی فره‌جیاوازه ‌نه ‌جه ‌ئه‌وه‌لین هه‌رمانه‌ی سینه‌مایی بهزادی به‌همه‌نی و بهزادی به‌همه‌نی به‌ فلیمسازی ئاینده‌دار به‌ ئیمه ‌نیشانه‌ دریۆ . وینای رازۆ ئایری به‌همه‌نی ته‌ماشیوه‌ هۆنه‌ری ویمانه‌ن پی وی‌سۆچنای ژه‌ناو هۆرامانی .ئه‌گه‌ر چی به‌برواو من به‌همنه‌نی تاوی خاسته‌ر و هۆنه‌رمه‌ندانه‌ته‌ر مۆشکلات و ژه‌ناو هۆرامانی وزۆ وه‌ر چه‌م و وینه‌ری فیلمه‌که‌یش . به‌لام تا ئیگه‌یچ هه‌ر ده‌سش وه‌ش بۆ .

جه‌ ( شعبه ‌مرکزی ) یۆ جه‌ بانکه‌کا شارو . . .  براو والێوه‌ که ‌جه ‌تاران پێ وره‌ته‌ی دوکانێوه‌ گێلێنێ پێ ئا شاره‌یه‌ دمای وه‌ره‌ته‌ی دوکانی‌ پێ هه‌رمانێ بانکی مه‌یا دلێ ئا بانکه‌یه‌ چێوێ قۆمیا که‌فره‌حه‌ز که‌رو فره‌و فره‌ته‌ر باسش که‌رمێ .
به‌له‌! برای نزیک  سی ساله‌ی ملۆ حه‌سێبێ بانکی که‌رۆوه‌و والی بیس و دوه‌سالێ سه‌رو سه‌نده‌لیێوه ‌نیشۆره‌. کناچه‌کێ زه‌ریف و وه‌شلێ بێ و پێسه‌تارانیا جلێش که‌ردێبێنێنه‌... پیێوه‌چل ساله‌( پاسه‌که‌دمایی به‌رکۆت به‌رکریاو ئه‌رته‌شی بیه‌ن ) مێ دلێ بانکی و ته‌ماشێوه‌ کناچێ که‌رۆ و دماو ئانه‌ی که‌دو-یه‌ر دۆرێ کناچه‌کی مدۆ . مێ روه‌و کناچێ و نیشۆ ملشه‌ره‌و جه‌حاله‌تی شێتانه‌ده‌س که‌رۆ به‌ماچ که‌ردۆ کناچێ و واز که‌ردو دۆگما کناچێ چه‌نی قیژنای کناچێ براو کناچێ و نگابان و بانکی و کارمه‌ندێ بانگی مه‌یا ده‌مو کناچێو هه‌ر جۆرێ بیه‌ن کناچێ ده‌س و کابرای مسانا . . . .
کناچێ له‌رزۆ و گره‌وۆ . . . پۆلیس ئاماو کابراش گرت و به‌ردش و برا و واله‌دمای قسه‌واته‌یێ فره‌
به‌فه‌رهه‌نگ و خه‌لک و ئا شاره‌یه‌سوارو ته‌یاره‌ی با و گێلاوه‌پێ تارانی . . .

ئارۆ  نیمه‌رۆ  وه‌ختێ  سه‌عات دوێ پێ یانه‌ی ئێناوه په‌شت و  چوار رێوه ‌مدرابێنا . وه‌رو من ماشینێ پۆلیسی ئێرانی ( نیروی ئێنتزامی ) مدرابێ چراوه‌کێ هه‌لای سوره ‌بێ  که ماشین و پولیسی یه‌واشێ کۆت را . چراوه ‌سوره بێ منیچ پاسه‌ که‌ بشۆم بۆ مدرابێنا . به‌لام کاکی پۆلیس چراوه‌سوره‌کێش جیا ئاسته‌.  پرایدی چه‌رمه‌ی به‌د شانس ئۆلاو چواررای بێخه‌م چراوه‌ی سه‌وزه‌ش دیه و لوا . . . . ‌ته‌نیا ده‌نگێ ئاما که‌ دیم پراید و پیکان و پۆلیسی داشا یۆی و ته‌سادف شا که‌رد و پراید داغان دریا . پۆلیس سوره‌ش ره‌د که‌رده‌بێ و پراێد چراوی سۆزه. به‌لام  راننده‌و پرایدی هه‌رچی واتش چراوی سۆزه‌بێ . ته‌نیا ئه‌ژنیش که‌قسێ مه‌که‌ره‌ سوره‌بێ . . .  منیچ وه‌ختی لوانی وه‌رۆ که‌واچو چراوه‌پێ پۆلیسی سوره‌بێ یه‌ری چوار پولیسی بینێ که‌واتشا جه‌م نه‌بیدێ و لودێ . ئاخرش چێش بی مه‌زانو  . . . .
به‌لام پێسه‌ماچا ( وای به‌ روزی که‌ بگندد نمک )
 

پاوه‌ شارێ جیاوازا  , جیاواز جه‌ هه‌ر شارێ ئی ولاته‌یه‌  . جیاوازی پاوه‌ی ته‌نیا جیاوازی سرۆشت ته‌بیعه‌تیش  نیا  خه‌لکێ جیاوازو که‌لتورو فه‌رهه‌نگێ جیاواز به‌شێ ته‌ر جه‌جیاوازی ئی شاره‌ینێ جیاوازیانێ  که ‌تاوا  بنچێنه‌و بنه‌ره‌ت و وه‌ره‌ولوای و پیشره‌فتیش با . به‌لام پاوه‌ جیاوازیی ته‌رش هه‌ن که‌   رۆبه‌رۆ شارو پاوه‌ی دما کۆته‌   وزۆ .
جیاوازی جه‌ئاوه‌دان که‌رده ‌و شاری ( شهرداری ) که‌به‌شه‌ر سه‌ره‌ش سر مه‌نۆ که‌چی ؟؟؟؟؟؟؟!!!!به‌راسی چی ؟؟؟؟؟؟؟!! پێ ئاوه‌دانی و وه‌ش که‌ردۆ ئی شاره‌یه ‌هیچ هه‌رمانێ مه‌کریۆ ؟