پیسه دالانی سوز و به‌رز

سال ۆ 1383 وه‌ره‌تاوی سالێ  په‌ر سه‌مه‌ره بێ جه دنیای ئینترنت و هۆرامی زوانا .www.hawramannet.tk ,  www.paveh.tk , www.hawraman.info , www.nowdesheh.cjb.net و . . . چند په‌لیانێ ته‌ر هه‌نگامێ گۆرێ بێنێ جه‌زوانی هۆرامی و ئینترنت و هۆرامانی . به‌لام ئێسال 1384  تا ئیسه ئه‌گه‌ر چی برێ سایتێ فارسی جه باره ‌و هۆرامانی وه‌شێ کریێنێ و یاگێ ده‌س وه‌شینێ ‌به‌لام به‌راسی پێ هۆرامی نویسه‌ی سالێ سه‌خته‌بیێنه‌ !!!ئێسال سایته‌سه‌رینه‌کێ که‌واتێما گرد بێ ده‌نگێنێ . ته‌نیا hawraman.com و کاک سیامه‌ندی ئه‌کتیو و فه‌عالا . به‌هه‌ر حای هیوام ئینه‌ن که‌هۆرامی نویسه‌ی ما ویر نه‌شۆ . با فارسی بنویسمی با سۆرانی بنویسمی .به‌لام هۆرامی نویسته‌ی چ ما ویر نه‌شۆ .

ئارۆ که پێ هه‌رمانه‌ی بانکی ( اداری ) لوابێنا یۆ جه‌شاره‌ که‌لهۆر زوانه‌کا  کرماشانی . . . پیێوه‌ پیری هۆرامی ئاما دلێ ئا با نکه‌یه‌. . . 

دور جه‌شارو ده‌گاو وێش , مانیا و مه‌زانو گێره‌ئاورایچ ئاما دلێ و واتش "چای ه‌عاله‌که‌!! چای ه‌خاسه‌که‌!! " یۆ په‌رساش " چه‌نیه‌" ( به‌که‌لهۆری )  پیا  هۆرامیه‌پیره غه‌ریبه‌که‌, که‌ پێ ژیوای  زارولاش تۆره‌کێوه‌چای ش گرته‌ن ده‌س و ماچۆ " ده‌ره‌جه‌یه‌که‌. بوه‌. . ."کابرا  ته‌ماشیوه‌چای ش که‌رد و لوا . . . . . لالو " ئه‌حمه‌د "  65 ساله‌ئاما سه‌رو سه‌نده‌لیوه نیشته‌ره‌و ده‌سیرێ ش به‌ر ئاردو هاره‌ق مانیای  ژیوایش پاک که‌رد و دمای چند ده‌یه‌قێوه‌ هۆرست و تۆره‌که‌و سه‌ختی ژیوای ش دا شانه‌ره و به‌واته‌ی "  چای ه‌عاله‌که‌!! چای ه ‌خاسه‌که‌!! " به‌ره‌که‌ره‌ زیاره‌و لوا . . . .

چند روێ چێ وه‌ل  دره‌ و هانه‌گه‌رمله‌ی نیشته‌ بێنمێره‌ . دما نیمه‌روی ئاخر رۆ هامنی بێ , وه‌زی ته‌کیێ بێنێ و ئێمه‌یچ خه‌ریک و مه‌ژگه‌به‌ر ئارده‌ی بێنمێ . قۆمێ تا ته‌یم که‌ئیسه‌ ئینا بیارێ و هه‌رمانه‌ش چی وه‌ختانه‌ وه‌ز ئه‌سای و  مه‌ژگه‌ ئه‌سایا . ئاما پێ لایما . نیشتێ بێنمێره‌ و باسێ وه‌شێ که‌رێنمێ ه‌مێمانه‌که‌ما چه‌نی قۆمێ ئه‌داییما که‌پاسدارو سپای بیه‌ن باسێ شا هۆر گیسنا و وستشا باس و ئێران و ئه‌مریکای !!!. ئه‌و جه‌ئازادی و کتێبی کۆردی و مه‌دره‌سه‌ی  کۆردی و ته‌له‌فزیۆن و حکومه‌تی کۆردی واچێ که‌ئیسه‌ئینا کۆردسان و ئێراقی . ئێدیچ جه‌ئه‌منیه‌ت و ئێرانی و وه‌زعۆ خه‌لکی ! واچێ . دماو سه‌عاتێ باسی گه‌رمی !! با سه‌که‌ئاخریچۆ یاوا قسه‌واته‌ی به‌یۆترینی . منیچ ته‌نیا نیشته‌بێناره‌و گۆش دێنا . ویرو فێکرمه‌نه‌ته‌نیا ئینه‌بێ که‌ئی دوه قۆمێ ئێمه‌که‌ئیسه‌یۆشا بیه‌ن عێراقی و ئه‌وی ته‌ر ئێرانی و ها خه‌ریکا سه‌رو  جمهوری اسلامی و ئه‌مریکای پێوه‌ره‌گژیا پێوه  ‌قۆمینی .