پیسه دالانی سوز و به‌رز

که‌نوله ( کندوله )یا خاسته‌ر واچمێ هۆرامانو که‌نوله یا خۆ هۆرامانو دینه‌وه‌ری که کۆته‌ن ته‌قریبا 100 کیلومتری وه‌رکۆت ( شرق ) و شارو کرماشانی چند ده‌گێ وه‌ش و ئاوه‌دان و په‌رجه باخێنێ . فره‌و خه‌لک و  که‌نوله‌یچ چند ده سالێن بۆنۆ سه‌ختی ژیوای و نه‌بیه‌ی ده‌رئامه‌دی مۆناسب راو کۆچ پێ شاره  گۆره‌کا ( پێسه کرماشانو و تارانیشا ) گرته‌ن‌و  فرێشا ئیسه جه سمه‌تێ ( یاگێ ) ده‌وله‌تی و نظامی و دانشگاهی و هه‌رپاسه تجاری خه‌ریک و هه‌رمانێنێ . ژماره‌و که‌نوله‌ییه‌کا شارو  کرماشانی ژمارێوه چند هه‌زار نه‌فه‌رین جۆرێ که ئیسه خه‌ریکێنێ یۆ جه گۆره‌ته‌ین مزگییه‌کا کرماشانی به نامێ وێشا که‌راوه ! به‌لام به داخۆ ئی نه‌سله تازه‌و جوانه جه کۆچ که‌رده‌کا که‌نوله‌ی زوانشا بیه‌ن به فارسی و هه‌رچند ئه‌داو تاته‌شا چه‌نی یۆترینی هۆرامی ( یا پێسه وێشا ماچا که‌نوله‌یی ) قسێ که‌را به‌لام وێشا چون هه‌ر جه زارۆله‌یۆ فارسی قسێشا چه‌نی کریان  مه‌زانا یا گێره گه‌ره‌کشا نیا هۆرامی (که‌نوله‌یی ) قسێ که‌را . ته‌نیا ماچا که‌مێ حالیما بۆ !!. چی وه‌زعێنه وه‌ختێ چه‌نی جوانه‌کاشا قسێ که‌ری شۆقێوه پێ زوانو فه‌رهه‌نگ و وێشا وینی که جه نه‌بیه‌و یاگێوه پێ نیشان دایش و به‌رکۆته‌یش شاریانۆ و هۆمێد که نه‌کۆشیۆوه . . . .